ՎԱՀԱԳՆԱԿԱՆՉ

Բաժիններ

Ծագումաբանական, Արիական եւ այլ նյութերի համար այցելեք նաեւ ՀայԱրիականչ :

Բիբլիան`Մերկացված “հայ ազգային” Եկեղեցի Հայ Ազգային Հավատ
Հանուն Արեվալից Ապագայի Այցելուների անկյուն Գրքերի Բաժին Տեսաերիզ Պահանջատիրություն Մամուլ

«Այլընտրանքային ընտրությունների միջոցով իշխանափոխություն» 

Խորհրդարանական վերջին «ընտրությունները» ևս մեկ անգամ ապացուցեցին, որ վարչախումբը, կատարելագործելով ընտրություններ կոչվող գործընթացի կեղծման մեխանիզմները, ոչ մի հնարավորություն չի թողել հասարակությանը` դասական միջոցներով իրականացնել իշխանափոխություն և նոր համակարգի ձևավորում: Անհետաձգելի շրջադարձն այլընտրանքային միջոցներով իրականացնելու անհրաժեշտութհունը վաղուց հասունացել է:Ստորև ներկայացվածը` այլընտրանքային ընտրությունների միջոցով Հայաստանում նոր Հանրապետության ձևավորման ճանապարհային քարտեզն է:Ճանապարհային քարտեզի նպատակն է` հասնել Հայաստանում ԼԵԳԻՏԻՄ և ԱՆՑՆՑՈՒՆ իշխանափոխության:

Սույն նախաձեռնության համար սկզբունքային նշանակություն է ներկայացնում համահայկականության սկզբունքը:  Հայաստանը բոլոր հայերի Հայրենիքն է և, որպես այդպիսին, բոլոր հայերի, ներառյալ արտերկրաբնակ հայության, իրավունքն ու պարտականությունն է ներգրավվել Հայրենիքի ներկայի ու ապագայի կերտման գործի մեջ:  Մանրամասն և Տեսանյութ :

ԲՀԿ–ն ՀՀԿ–ի հետ կոալիցիա չի կազմի. Ծառուկյանն իր խոսքի տերն է

Գագիկ Ծառուկյանը հերթական անգամ մերժել է ՀՀԿ–ի հետ կոալիցիա կազմելու նախագահի առաջարկը `  նշելով, որ եթե ՀՀԿ–ն այդքան ձայն է վերցրել, ապա թող ինքն էլ կրի ամբողջ պատասխանատվությունը։ Փաստորեն, Սերժ Սարգսյանի բոլոր ջանքերը՝ ԲՀԿ–ին կոալիցիայի մեջ ներգրավելու միջոցով չեզոքացնել այդ ուժին ապարդյուն անցան։ ԲՀԿ–ն գնում է իր ճանապարհով և պահպանում ինքնուրույնությունը, իսկ ՀՀԿ–ն մնում է ՕԵԿ–ի հույսին, եթե չհաշվենք, իհարկե, տարատեսակ հաճախորդներին, որոնք Ծառուկյանի այս քայլից հետո վերջնականապես հայտնվելու են քաղաքական լուսանցքից դուրս։ Տեղին է նկատելը, որ հիմա բավական անհարմար վիճակում են հայտնվելու նաև բոլոր այն «վերլուծաբանները»,լրագրողներն ու քաղաքական կոչված գործիչները, ովքեր 100 տոկոսանոց համոզվածություն էին հայտնում, թե ՀՀԿ–ԲՀԿ կոալիցիան կայացած փաստ է…

Տես նաեւ Գագիկ Ծառուկյանի հայտարարությունը որ փարատում է բոլոր կասկածնեերը:
Տես նաեւ ԲՀԿ-ի «ՕԵԿ-ները»
Տես նաեւ Քաղաքական նոր իրավիճակ
Տես նաեւ Իշխանամետ լրատվամիջոցների և վերլուծաբանների «սև հինգշաբթին»

Ինչո՞ւ այլասեռվածների հարցը սկսեց

DIY ակումբի շուրջ բարձրացված աղմուկը հասարակության ուշադրությունը երկում առկա լուրջ խնդիրներից շեղելու նպատակ է հետապնդում: Այս կարծիքին է կառավարման փորձագետ Հարություն Մեսրոբյանը: Ըստ Պարոն Մեսրոբյանի շատ ավելի կարեւոր հասարակական խնդիրները ստվերի տակ են մնում, կարծես   համասեռամոլներից բացի ուրիշ մտահոգություն չունի հանրապետությունը: Հայաստանի ազգային վիճակագրական ծառայության  տվյալները հաստատում են Հայաստանում առկա աղետալի սոցիալ–տնտեսական իրավիճակը։ Համաձայն որի՝ Հայաստանում աղքատության ցուցանիշը կրկնապատկվել է. եթե 2008թ. աղքատների թիվը կազմել է 17,6 տոկոս, ապա  2010թ. աղքատների թիվը հասել է բնակչության 35,8 տոկոսին։  Այս տարիների ընթացքում աճել է նաև գործազրկության ցուցանիշը։ Պաշտոնական վիճակագրության համաձայն՝ 2008թ. 231 600–ից գործազուրկների թիվն աճել է և 2011թ. արդեն կազմել է 265 700։ Զեկույցում հրապարակված են նաև ՀՀ արտաքին պարտքի մասին տվյալները որ 2007թ. կազմում էր  1 մլրդ 449 մլն դոլար,   իսկ 2011թ.՝  կազմում է 3,5 մլրդ դոլար։Անշեղորեն մեծանում է նաև գնաճի թափը ու մտահոգիչ է  արտագաղթի մասին տվյալները։

Տես նաեւ Զգուշացե´ք…Այլասեռվածներն են

Տես նաեւ «Գոմիկների աչքը հանելուց» առաջ

Լույս է տեսել Գևորգ Հովհաննիսյանի «Հայոց Տերերը» աշխատությունը…

Գրքում պատմական համոզիչ փաստերով, հիմնավորապես հերքվում է այն սխալ և վտանգալից մոտեցումը, թե քրիստոնեության հաստատումից հետո հայկական պետականությունը տվել է թույլ, օտարի կամքով առաջնորդվող վասալ-արքայիկներ: Հանգամանորեն, հանրամատչելի և նորովի ներկայացվել են 340-374թթ պետություն-եկեղեցի հարաբերությունները, առանձնահատուկ ուշադրություն է դարձվել հայ ազնվականության և եկեղեցու՝ մեր պետականության կյանքում խաղացած դերին: Հենց այս համատեքստում, բացահայտվել է եկեղեցու՝ հայոց պետականության և ազգային շահերի պաշտպանության դիրքերից հանդես եկած լինելու մասին դարեր շարունակ տիրապետող համոզմունքի առասպելը:

… Հեղինակը գրքի մասին

Մահ կամ մանդատ

Ընդդիմադիր ուժերը գործարքի են գնացել իշխանության հետ: Ինչպե՞ս վայր դնեն մանդատը, եթե իշխանությունն ավելացրել է իրենց տոկոսները: Նաեւ, թերեւս հասկացել են, որ իշխանության բաժանած փողը ընտրողի համար ավելի նախընտրելի ու արժեքավոր էր, քան քաղաքական ուժերի տասնամյակներ շարունակվող դատարկաբանությունը: Մյուս կողմից, պետք է ողջունել ընդդիմադիրների այս որոշումը: Մասնակից լինելով համապետական հանցագործությանը եւ մտնելով դրա արդյունքում ձեւավորված խորհրդարան, նրանք այդպիսով որեւէ պատրանք չթողեցին հայ ժողովրդի մոտ:Իրականում, վերնագրում բերված հարցադրումը պետք է լինի՝ մանդատ եւ մահ: Հայաստանի խորհրդարանի վերջին «ընտրության» թերեւս միակ դրական արդյունքը լինելու է այն, որ դրանով նշանավորվում է Հայաստանի անկախության ժամանակաշրջանի քաղաքական արատավոր համակարգի մահը:

Տես նաեւ ՀՅԴ. մանդատի եւ «ցնցոտու» արանքում

Ուժը, որը փրկելու է մեզ, գալու է մեր ներսից

Հայաստանից պետք չէ բացակայել, Հայաստանի պատմությունը կերտվում է փողոցներում, պուրակներում և շուտով հրապարակներում: … Սարդարապատը կուսակցություն չէ, գաղափար է, որը մեզ անընդհատ պետք է հիշեցնի, իսկ մնացածներին հուշի, որ Սարդարապատը հոգեկան վիճակ է, դիմադրություն: Ոչխարների բանակը, որին առաջնորդում են առյուծները, ավելի հզոր է և վտանգավոր, քան առյուծների բանակը, որին առաջնորդում են ոչխարները: ժողովուրդը և 2007-ին, և 2008-ին, և 2011-ին, և 1988-ին, և 91-ին նույն ժողովուրդն է, հերոսական ժողովուրդը, տանջված, հիասթափված և նորից ու նորից ոտքի կանգնող ժողովուրդը, որն առնվազն Քրիստոսից առաջ 2107թվից ապրում է այս երկկատար լեռան շուրջը: Նայեք մեր քթերին, աչքերին և կտեսնենք` նույն ժողովուրդն է, առաջնորդներն են փոխվում, և հաճախ պետք է մեղադրել ոչ թե ժողովրդին, այլ մարդկանց, ովքեր հավականություններ ունեն նրան ինչ-որ տեղ տանելու: Պետք չէ սեփական սխալների համար մեղադրել ժողովրդին:

Ոչ Թե Ժողովրդին, Այլ Քաղաքական Դասին Է Պետք Ուղղել Քաղաքականապես Հասուն Չլինելու Մեղադրանքը

Կա ստի երեք տեսակ. սուտ, լկտի սուտ և վիճակագրություն: Հիմա վերջին վիճակագրությունը, որ ունեցանք այս “ընտրություններից” հետո, ամենամեծ սուտն է, այսինքն` … փորձում են թե Հայաստանում և թե Սփյուռքում ապրող մեր ժողովրդին կերակրել ինքնասիրությունը ոչնչացնող, կամազրկող այն միտքը, որ մեր ժողովուրդը ծախված է: Այս վարչախմբին, որ թողես, հաջորդ քայլով կհայտարարի այն գինը, որով պետք է ամեն մեկս վաճառի Արցախը և Հայաստանի Հանրապետությունը: Սակայն, ուզում եմ հիշեցնել ոչ վաղ անցյալը: Ավագները կհիշեն, որ 1987 թ. ողջ Խորհրդային Միությունում ամենուրեք արդեն ազատ խոսք էր հնչում, իսկ Հայաստանում տպավորություն էր, որ մտքի անապատ է: Մեռելային լռություն էր տիրում, և վայ մտավորականները խոհանոցներում, ինչպես այսօր, այնպես էլ այն ժամանակ, բողոքում էին, որ անպետք ժողովուրդ ենք: Կային մի քանի փոքրիկ էկզոտիկ խմբեր, այդ թվում նաև էկոլոգներ, որոնք ակտիվ էին, և որոնք լուրջ չէին ընկալվում: Սա էր 88-ին Հայաստանի իրականությունը: Բայց տեղի ունեցավ պայթյուն, և բոլորը զարմացան, որ ժողովուրդը, որը ծպտուն չէր հանում, հանկարծ “առյուծի կաթ կերավ” և ամբողջապես արիացավ: Կարծում եմ` սա մեզ որոշակիորեն բնութագրում է: Մեր ժողովուրդը, ապրելով հայկական լեռնաշխարհում, շատ նման է իր լեռնաշխարհին, երկար ժամանակ լուռ է, հետո երկրաշարժ կամ հրաբուխ է տեղի ունենում, և բոլորը զարմանում են, թե լեռնաշխարհն ինչպես ակտիվացավ:

Եգիպտացի Դժգոհները, Հայաստանի Ընդդիմադիրները եւ փրկության Ուղիները

Եգիպտոսում`անգլիական գաղութատիրության ժամանակ, սեվ աշխատանք կատարելու համար, անգլիացիներին հարկավոր է լինում բանվորների հոծ բանակ եւ նրանք այդ նպատակի համար փողոցներից հավաքում են հասարակ եգիպտացիների եւ առաջնորդում նրանց այն վայրը որտեղ նրանք պետք է կատարէին այդ սեվ աշխատանքները: Ճանապարհի ընթացքին, այդ եգիպտացիներից մի խումբ, սկսում է իր դժգոհությունը արտահայտել հայհոյախառն երգեր երգելով անգլիացիների հասցեին ուղղված: Մի հատ լրտես առաջ անցնելով մոտենում է անգլիացի առաջնորդին եւ տեղյակ պահում նրան կատարվածի մասին: Սառնասիրտ Անգլիացին, մի պահ կանգնում է եւ լուրը հաղորդած երիտասարդին հարց տալիս ,  “Գալիս են մեր հետեվից թե ՞ ոչ”, դրական պատասխան ստանալով, Անգլիացին ավելացնում է “ թող հայհոյեն, ոչինչ”:

Հայաստանի ընդդիմադիր կուսակցությունները, խոսելով կեղծ ընտրությունների մասին, բայց վերցնելով մանդատները ու գնալով խորհրդարան , ոչնչով չեն տարբերվում, նշված Եգիպտացի դժգոհներից, իրենք էլ եգիպտացիների նման նպաստելու են իշխանությունների ծրագրած  սեվ գործերին եւ լեգիտիմացնելու են  նրանք, նույնիսկ եթե կոալիցիոն չի կազմեն իշխանությունների հետ : Այս իրողության ֆոնին, կարելի է ասել որ Հայաստանի ժողովուրդը հայտնվել է անպաշտպան վիճակում, հերթական անգամ խաբված լինելով իր ձայներին “տեր կանգնողների” կողմից:

Դժգոհներին մնում է, արհամարհել բոլորին ինչպես դա անում են բնապահբանները եւ Սարդարապատ Շարժումը կամ թողնել ու հեռանալ ինչպես դա անում են շատ շատերը: Ուրիշ տարբերակ չկա: Ի հարկե,  ենթադրում ենք որ բոլոր հայերի համար անընդունելի է ստրկական կարգավիճակը եւ նրա համար չի ներկայացվում դա որպես տարբերակ:   Ընտրություննը ժողովուրդինն է: Այս ընտրությունը ոչ ոք չի կարող կեղծել:

Տես նաեւ Տեսնենք, թե հիմա ինչ է սպասվում
Տես նաեւ «Սարդարապատ» շարժման կոչը հացադուլավոր Արտավազդ Վարդանյանին
Տես նաեւ Բոյկոտել ընտրությունները

Ի՞նչն է սիրուն…

Դուք ի՞նչն եք «սիրո’ւն» համարում` Ձեր կառավարության որոշ անդամների ակնհայտ ֆաշիստական կեցվածքն ու կերպարա՞նքը, կամ Սպանդարյանի արձանի տակ արտասանվող ու Նժդեհի սուրբ անունը վարկաբեկող ճառե՞րը, մինչդեռ Նժդեհի հանճարով փրկված Սյունիքը նույն այս կառավարությունն այսօր հայաթափում է հանուն օտարերկրյա գիշատիչների շահերի: Քննենք Ձեր արտաքին քաղաքականության գեղագիտությունը: Եթե դեռ չորս տարի առաջ ոմանք հույսեր էին տածում, որ գոնե ազատագրված տարածքների բնակեցումն ու Արցախի վերամիավորումը անվերադարձ բնույթ են կրելու, ապա Ձեր «ֆուտբոլային դիվանագիտությունը» միայն պատճենահանեց Ձեր իսկ նախկին «շեֆի» տխրահռչակ «սերգոջանությունը», ավելացնելով դրան թուրք նախագահի պատվին Ծիծեռնակաբերդի մարած լույսերն ու հայ ֆուտբոլիստների շապիկներից հանված Արարատի խայտառակությունը:

Ազատագրել Հայաստանն ու Արցախը

Հայաստանը չի՛ կարողանա երկար դիմանալ քաղաքական ու տնտեսական այժմյան մենաշնորհներին։

Հայաստանը չի՛ կարող ադրբեջանական սուլթանատին սուլթանատ հակադրել. մենք այդ ռեսուրսը չունենք։

Հայաստանը չի՛ կարող անբարոյականությունն ու կեղծիքը դրոշ դարձնել. սա անասնաֆերմա չէ։  

Հետևաբար՝ Հայաստանը կգնա կա՛մ  էֆթանազիայի, կա՛մ շոկաթերապիայի. 3–րդ տարբերակ չկա։

Վերցնելով պատգամավորական մանդատները՝ քաղաքական ուժերը և de facto, և de jure ճանաչում են ընտրությունների արդյունքները

Հանրապետական կուսակցության փոխնախագահ, ԿԳ նախարար Արմեն Աշոտյանը, այսօր անդրադառնալով ընտրությունների արդյունքները չճանաչող, սակայն խորհրդարան մտնող ուժերի գործելաոճին, Facebook –ի իր էջում գրառել է. «Դժգոհ լինելով ընտրություններից, սակայն վերցնելով պատգամավորական մանդատները` քաղաքական ուժերը և de facto, և de jure ճանաչում են ԱԺ ընտրությունների արդյունքները»:Իսկ մնացածը, ըստ Աշոտյանի « հռետորականություն է, և սեփական էլեկտորատին ստեղծված իրավիճակը «հրամցնելու» փորձ:

Այլեւս անտրամաբանական է ՀՀ-ում մասնակցել որեւէ համապետական ընտրության

Մայիսի 6-ը ցույց տվեց հայ հասարակության դեգրադացման աստիճանը: Ցույց տվեց, որ նախընտրական քարոզարշավի անցկացումը որեւէ կապ չունի ընտրությունների արդյունքների հետ. ինչպես ուզում ես՝ անցկացրու քարոզարշավը, միեւնույն է, այն չի ազդում ընտրությունների արդյունքների վրա: Մայիսի 6-ը ցույց տվեց նաեւ՝ եթե ուզում ես ՀՀ-ում իշխանափոխություն իրականացնել, ապա պետք է համագործակցել արտաքին ուժերի հետ:

ՀՀԿ-ն այլեւս ունի քաղաքական մենաշնորհ, ու նա ԲՀԿ-ի կարիքը չունի: Մայիսի 6-ին վերջնականապես լուծվեց այդ ինտրիգը:ԲՀԿ-ն թեեւ ազդեցիկ ուժ է, սակայն չի կարող այլեւս ազդել կայացվող որոշումների վրա:Ինչ վերաբերում է ՀԱԿ-ին, ապա մանդատները վերցնելու դեպքում կարող են զբաղվել օրենսդիր գործունեությամբ: ՀԱԿ-ը պետք է հասկանա մեկ բան՝ իր պոտենցիալն այլեւս այնքան չէ, որ կարողանա հասարակության միջոցով ինչ-որ բան փոխել: Ոչ մի քաղաքական ուժ հասարակության միջոցով չի կարող ինչ-որ բանի հասնել:Ու հիմա նախագահական ընտրություններն այլեւս մեկ ինտրիգ ունեն՝ Ս. Սարգսյանը կստանա 99.9, թե 99.8 տոկոս ձայն: Որեւէ այլ ինտրիգ այնտեղ չկա: Այլեւս անտրամաբանական է ՀՀ-ում մասնակցել որեւէ համապետական ընտրության, եթե չունես դրսի աջակցությունը: Առանց դրսի աջակցության չես կարող հաղթել: Այնպես որ, հիմա ՀՀԿ առաջնորդին նույնիսկ չի հետաքրքրում՝ ունի ԲՀԿ աջակցությունը, թե ոչ:

Ներսի դիվերսանտը մեզանից խլում է ոչ միայն այս օրը, այլ նաև ապագան

Հայաստանի ապագայով մտահոգ բոլոր ուժերն այժմ պետք է կտրականապես բացառեն «ընտրական» դիվերսիայի և 5–րդ շարասյան ֆունկցիա կատարած մի քանի տեղ գրանցում ունեցող շրջիկ խմբերի՝«բոմժերի», միջոցով իշխանությունը վերցրածների հետ քաղաքական շփումները և մտածեն նեոբոլշևիկյան հեղաշրջմանը համազգային կոնսոլիդացիայի միջոցով հակազդելու մասին, այլապես Հայաստանին սպառնում է քաղաքական ու տնտեսական դաշտերի անապատացում և վերջնական ոչնչացում։

Հարկ է շատ լավ հասկանալ, որ որևէ տարբերություն չկա մեր զինվորների կյանքը խլած ադրբեջանցի դիվերսանտների տված վնասի ու մայիսի 6–ին պետական մակարդակով կազմակերպված «ընտրական» դիվերսիայի հասցրած վնասի միջև։ Ավելին. դեռ հարց է, թե որն է ավելի հրեշավորը։ Ադրբեջանցին գոնե գիտես՝ ով է, ու կարող ես պատժել։ Ադրբեջանցի դիվերսանտից այլ բան, քան հարձակվելն ու վնաս տալը չես էլ կարող սպասել և միշտ պատրաստ ես հակահարված տալու, իսկ ահա Հայաստանի ներսում գործող դիվերսանտն անտեսանելի է գործում, հարվածում է թիկունքից, ավելի նենգ է ու ցինիկ։

Դաշնակցությունը, Հայաստանում անելիք այլևս չունի…

Ինչպես նաեւ “Ժառանգություն”-ը, ԲՀԿ-ն, եւ ՀԱԿ-ը, եթե ի հարկե վերցնեն մանդատները(Հայաստանում դեռեւս չի եղել որեւէ ընդդիմություն, որ կեղծված ընտրությունից հետո կհրաժարվի խորհրդարանի մանդատներից:) որ իրականում կաշառք է, աչք փակելու “ժողովրդի կամքը չի ցոլացնող”, “ուժերի իրական դասավորությունը չի արտացոլող”, “ակնհայտ տոտալ ընտրական խախտումներով”, “կեղծիքների Մեխանիզմ հանդիսացող”, “Հիմնովին կեղծված”, “ընտրախախտումներով մթագնված”, “աղաղակող չափերի հասնող ընտրակաշառքներով լեցուն”,”ընտրողների ուռճացված քանակով”, “վախի մտթնոլորտում կայացած”, և  ”ընտրությունների օրինականությունն ու լեգիտիմությունը ստվերող” ընտրություններին:

Ի վերջո,  ինչու հասարակ քաղաքացին  չպետք է վերցնի կաշառք, եթե ընդդիմությունն էլ անում է նույնը: Ինչի՞ց են ենթադրում այս “ընդդիմադիր”-ները որ իրենք իրավունք ունեն կաշառք վերցնելու իսկ  հասարակ քաղաքացին չունի այդ իրավունքը: Ինչի՞ց են ենթադրում որ կաշառք վերցրած քաղաքացին   չի կարող ոչ մի պահանջ ներկայացնել կամ բողոքել իշխանություններին, բայց  իրենք կարող են դա անել խորհրդարանում,  որտեղ Հանրապետական Կուսակցությունը  մեծամասնություն է կազմում   եւ հետեվաբար  թքած ունի ոչ միայն ժողովրդի կարծիքին այլ նաեւ ՀՅԴ-ի, Ժառանգության, ՀԱԿ-ի, եւ ԲՀԿ-ի կարծիքներին միասին վերցրած:

Հետեվաբար, հայտարարելով խախտումների մասին եւ չհրաժարվելով մանդատներից, կոչ չանելով ժողովրդին բոյկոտել ընտրությունների արդյունքները, ՀԱԿ-ը, ԲՀԿ-ն, ՀՅԴ-ն եւ Ժառանգությունը  իրենց մահվան դատավճիռն են կնքելու: Ավելին, գնալով խորհրդարան, նրանք ամոթի զգացումով են պատելու եւ արհամարհանգի են արժանացնելու…. կաշառք չվերցնողներին:

Ի վերջո, ճիշդ էր   «Սարդարապատ» շարժման  նախաձեռնող խմբի անդամ Ժիրայր Սեֆիլյանը երբ ասում էր “Հայաստանում դասական իմաստով կուսակցություն գոյություն չունի, քանի որ բոլոր ուժերի ղեկավարները վերահսկելի են իշխող կուսակցության ղեկավարի կողմից”: Ճիշդ էր նաեւ երբ ասում էր “Մայիսի 6-ի ընտրությունների ելքը կանխորշված է, Կուսակցապետերն իրենք ևս գիտեն, թե քանի տոկոս պետք է ստանան, խորհրդարան մտնելո՞ւ են, թե՞ չէ” ավելացնելով որ “օր առաջ մարդիկ պետք է այդ ճահճից դուրս գան, ինչպես անում են բնապահպան քաղաքացիները»:

Տես նաեւ ՀՅԴ. մանդատի եւ «ցնցոտու» արանքում

Դուք չեք հաղթել, քանզի ձեզ ավելի են ատում

Հայաստանում այսպես կոչված«ընտրությունների» արդյունքների քննարկումը նման է կնոջ բռնաբարության դատական գործին, երբ կաշառված դատախազն ապացուցում է, թե կինն ինքն է մեղավոր իրեն բռնաբարելու համար, թե նրա զգեստն էր կարճ կամ բարձր չէր գոռում կամ` ինքն էլ համաձայն էր եւ այլն եւ այլն:

Ահաբեկված, ճնշված, ստրկացած մարդկանցից քվեներ կորզելով, հետն էլ բացակա կամ մեռած հոգիներ հիշելով, իշխող վարչախումբն ուզում է ազգի բռնաբարությունը ներկայացնել որպես հարսանիք:

Բայց բռնաբարությունից ծնվում են միայն հրեշներ, քանզի երբ չկա սեր, գալիս է անտարբերություն, հետո ատելություն, ապա` մարդասպանություն: Դուք չեք հաղթել, քանզի ձեզ ավելի են ատում: Հաղթել կարելի է միայն սիրով ու հանուն սիրո: Իսկ դուք սիրել չգիտեք, դրա համար էլ ձեզ ոչ ոք չի սիրում: Ահա, թե ինչու դուք պարտվելու եք, իսկ հաղթելու ենք մենք:

Տիգրան Խզմալյան Սարդարապատ Շարժման անդամ

Փառք եւ Պատիվ Մայր հողին կառչած մնացած կրոնափոխ Հայերին, մեր հարազատներին, նրանք են   Հայրենատիրության եւ Հայրենադարձության համար մղվող պայքարը, Հաղթանակով պսակելու երաշխավորները:

1915թ. Հայոց Ցեղասպանությունը, Հայ Ազգի ԵՐԿՐՈՐԴ ամենամեծ ողբերգությունն էր , որը տրամաբանական հետեվանքն էր 301թ. ամենամեծ ողբերգության: 1915թ. որոշվել էր ՀԱՅ ՑԵՂԻ  սպանությունը իր ավարտին հասցնել կամ առնվազն ավարտի սկզբին եւ դա կազմակերպիչներին  հաջողվում է առ այսօր, եւ հաջողվելու է այնքան ժամանակ քանի դեռ մենք համառորեն անտեսում ենք 301թ. գործոնը: 

Գրիքոր “լուսավորիչ” հայ մարդկանց “այնչափ հեռացրեց իրենց բուն բարքերից, մինջեւ որ նրանք ասացին, թե “մոռացա իմ ժողովրդին ու իմ հոր տունը”: Ագաթանգեղոս

1759 թվականին Հովսեփ Էմինը Կարնո նահանգի Ճինիշ գյուղի բնակիչներին հարցրել է, թե “ինչո՞ւ եք առարկում, երբ ձեր ազգակիցներից որևէ մեկը ռազմիկ է դառնում, ինչո՞ւ դուք ազատ չեք, ինչո՞ւ  դուք ձեր սեփական թագավորը չունեք”: Գյուղացիները Էմինին պատասխանել են. “Պարոն, մեր ազատությունը անդիի աշխարհքն (անդրշիրիմյան աշխարհում) է. մեր թագավորը Հիսուս Քրիստոսն Է”: Էմինը ըսավ. “Ի՞նչ խոսք է այդ. ո՞վ ըսավ ձեզի թե այդպես է”: “Եկեղեցիին Սուրբ Հայրերը, որոնք կըսեն թե հայ ազգը մահմեդականներուն հպատակ եղած է աշխարհի ստեղծվելէն ի վեր, եւ այդպես ալ պետք է մնա մինչեւ հարութեան օրը: Եթե ոչ մենք շատ արագ կրնայինք թուրքերը մեր երկրէն դուրս վռնդել” (Ա. Այվազյան, Հայաստանի պատմության լուսաբանումը ամերիկյան պատմագրության մեջ, Լոս Անջելես, 2002, էջ 61):

“Իսկ որ ասում էինք զենք առեք, չէիք հավատում, չէ՞: Տնից յոթ տղամարդ էինք, է, յոթ տղամարդ եւ այսօրվա օրը մի հատիկ զենք չունենք: Հավի նման ենք մորթվելու , է, հավի նման: “Օրհնյալներ, անտրտունջ տանենք հայազնյա մեր խաչը դեպի մեր գողգոթա լեռը, ինչպես անտրտունջ տարավ Տերը մերն Հիսուս Քրիստոս”: Հայր ու որդո՞ւն, թե՞ պապ ու թոռանն էր ուղղում իր խրատականը ետեվից եկող ինչ-որ մեկը: Ետ նայեցի: Ձեռնափայտին հենված, ալեխառն մազ-մորուքով, խիստ գունաթափ փարաջայով մի քահանա էր” (Սերինե, Իմ երկրային ուղին, Երեւան, 2005թ., էջ 294)

“Ես փաստերին եմ հավատում, իսկ փաստերը վկայում են, որ 1915թ. Մեծ եղեռնի նախօրեին Արեւմտյան Հայաստանի ամենահետին գյուղում գոնե մի մատուռ կար, իսկ որոշ գյուղեր մի քանի եկեղեցիներ ունեին, եւ ունեինք ծով հոգեւորականություն, բայց հնարավոր եղավ, չէ՞, մեզ եղեռնի ենթարկել: Լուսանկարներում տեսնում ենք` քահանան քայլում է առջեւից, հանգիստ, իր ամբողջ հոտը հետեւից գցած, ընդամենը մեկ-երկու թուրք զինվորի ուղեկցությամբ` ուղիղ դեպի Դեր Զոր: Մենք տեսնում ենք, որ եկեղեցու կարիք չունենք: Եթե եկեղեցին այդքան օգտակար լիներ ազգին, ազգը Տեր-Զոր գնացած չէր լինի` հոգեւորականների գլխավորությամբ: Հոգեւորականները ժողովրդին մարտի կկոչեին, այլ ոչ թե դրախտի սին գաղափարներով ուղեղները արդուկեին եւ հանուն ոչնչի նահատակեին ազգին”: Սամվել Կարապետյան

Մտավորականն առաջարկում է Հայկի տաճար կառուցել

«Եթե մենք մեր հոր կամ պապի գերեզմանը համարում ենք տաճար, որտեղ պարբերաբար կատարում ենք համապատասխան ծիսակատարություն, ապա ողջ հայ ժողովուրդը պարտավոր է ունենալ իր առաջին հոր տաճարը, որտեղ կկատարի ընդհանուր ծիսակատարությունը: Հենց սա է մեր ազգային միավորման և կազմակերպման միակ հնարավոր ձևը»

Վահան Տեր-Ղազարյան: Առաքելական եկեղեցու դերը Հայ ժողովրդի կյանքում

…Արդյոք պարտադիր է, մի քանի տասնյակ հազար ժամանակին պարտադրաբար կամ ուժով, իսլամացված հայերին, հայ համարելու համար, նախապես դարձնել առաքելական եկեղեցու գիրկը, կամ հնարովոր է դա: Եթե դա հնարավոր չի, էդ դեպքում, նրանց օտարելով, մենք նրանց դատապարտում ենք ազգային մահվան, քրդացման եւ թրքացման:

Ինչու մինջեւ քրիստոնեա դառնալը, հայերը ուժեղ էին եւ ինչու դրանից հետո դարձան թույլ: Թող ամեն մեկը իր համար մտածի էս հարցի մասին: եկեք ուղղվենք էլի , իսկ ուղղվելու ճանապարհը, պատմության ճիշդ, անաչառ գնահատումն է: Ինքներս մեզ չխաբենք, բավական է 1700 տարի խաբում ենք ինքներս մեզ: Դադարում ենք ինքներս մեզ վրա հույս դնելուց, հույսներս դնում ենք մի ուրիշ բաների վրա: Սա ինքնախաբեություն է: Օրհասական պահ է մոտենում, արտագաղթը հնձում է, ու  պետք է հույսը դնել ինքդ քո վրա միայն: Մի գեղեցիկ, լուսավոր դիպվածք` Արցախյան գոյամարտը ցույց տվեց թե իրականում ով ենք:

Արմեն Մելիքեան:Բարձրաձայն, Հստակ եւ առանց բառերը ծամծմելու

Ի տարբերություն, բախտի բերմամբ թե պատահմամբ, Հայոց Հին Հավատքի դրոշակակիրի կարգավիճակում հայտնվածների, եւ ինքնակոչ առաջնորդների, Արմեն Մելիքեանը  ողորմելիություն, վախկոտություն կամ ստրկամտություն չի դրսեվորում եւ անհարկի տուրք չի մատուցում ոչ մի կազմակերպության կամ անհատի: Նա իր քննադատություններում չի խնայում, ոչ Հայ ազգի դահիճներին,  ոչ էլ նրանց պաշտպան փաստաբանի դեր ստանձնած քաղաքական եւ ոչ-քաղաքական անխտիր բոլոր կազմակերպություններին: Փաստը մնում է փաստ: Արմեն Մելիքեանը պարտադրաբար բնակվում է Հայրենիքից դուրս եւ ոչ ոք ծպտուն չի հանում առ այսօր:

Արմեն Մելիքեանը, Հեղինակն է չորս մրցանակների արժանացած, “Journey to Virginland” գրքին, որտեղ հանգամանալից ներկայացնում է, այն խարդավանքը որի զոհը դարձավ Հայ Ազգը եւ որ զարմանալիորեն  շարունակում է մնալ այդպիսին առ այսօր:

Տես նաեւ Արմեն Մելիքեանից այլ նյութեր

Հայոց Եկեղեցու Պատմությո՞ւն, Թե Հուդայականության Եվ Սիոնիզմի Ձեռնարկ

Այս հաղորդաշարը բաղկացած է 18 տեսաերիզներից, որտեղ Պարոն Ստեփան Քիլիմիջյանը ընթերցում է Հակոբ Սանասարյանի “Հայոց Պատմություն, թե Հուդայականության Ձեռնարկ”  գիրքը, ընթացքում ներկայացնելով իր գնահատակաները, կարծիքները եւ մեկնաբանությունները:  Այս հաղորդաշարը անպայման հետաքրքրելու է, Հայ ազգի ապագայով մտահոգ ցանկացած հայորդու: Գրքի հեղինակը մտահոգություն է հայտնում որ ՀՀ դպրոցներում “Հայ եկեղեցու պատմություն” անվան տակ քարոզվում է հուդայականություն: Այդ մտահոգությունը ներկայացվում է հանգամանալի մեջբերումներով եւ դրանց վերլուծություններով ու անհրաժեշտ է համարում կասեցնել այդ գրքի դասավանդումը ու հասարակական համակողմանի քննարկման առարկա դարձնել:

Գիրքը կարող էք ներբեռել այստեղ

Հայաստան՝ Կեղծիքի Եվ Վախի Թագավորությո՞Ւն

Ուղղակի մենք այնքան ենք տրվել եւ այնքան հարազատացել ենք կեղծի հետ որ երբ որ մի տեղ ուղղակի մերկ ճշմարիտ մի խոսք է հնչում, ցնցումներ է առաջացնում: Մենք դարեր հարազատացել ենք կեղծի հետ, ընդունել ենք եւ այդ կեղծիքի մեջ ենք ապրում…Մենք մեզ շրջապատել ենք ամեն օտարով եւ ամեն օտար, բնավ ազգային ներդրում չունեցող կառույցը, իրեն ազգային է ձեվացնում որը նույնպես կեղծիք է:

 ԳԱՐՈՒՆԸ, ՄԻԵՎՆՈՒՅՆ Է, ԳԱԼՈՒ Է

Հետաքրքիր է, ի՞նչ ուժ կարող է արգելել գարնան գալուն – և ոչ մի ուժ. միևնույն է, գարունը գալու է:ԵՎ ի՞նչ ուժ կարող է արգելել գարնանը ծիրանի ծաղկելուն – և ոչ մի ուժ. միևնույն է, ծիրանին ծաղկելու է:

Գարունը գալիս է մեզանից անկախ: ԵՎ մենք ուզենք, թե չուզենք, հրաժարվում ենք ձմեռվա շնորհած բոլոր արհեստական «պաշտպանիչ»միջոցներից‘ դեն ենք գցում վառարանը, վերարկուն… Գարունը կյանքի նորոգումն է ձմեռից‘ հարաբերական մահից, հետո: Ծիրանին ինքը չիորոշում‘ ծաղկել, թե ոչ: ԵՎ մենք չենք որոշում‘ հրաժարվել ձմեռվա արհեստական միջոցներից, թեոչ: Գարունն է պարտադրում վերադարձ դեպի բնական ապրելակերպ:

ներբեռել նաեւ Հայոց Ամանորը 

Մենք պարտավոր ենք գրկաբաց ընդունելու մեր եղբայրներին,եթե անգամ նրանք մնան մահմեդական հավատքի մեջ

Դե ես էլ քեզ կասեմ,որ քրիստոնեությունն էլ,մահմեդականությունն էլ մոտավորապես նույն բանն են և երկուսն էլ ՕՏԱՐ են մեզ՝ հայերիս:Ոնց որ 1700 տարի առաջ են բռնի կերպով մեզ բոլորիս՝ միլիոնավոր հայերիս քրիստոնեացրել,և այդ միլիոնները ոչինչ չեն կարողացել անել օտարի կողմից մեզ պարտադրված այդ չարիքի դեմ,այնպես էլ 100 տարի առաջ նույն դաժան միջոցներով բռնի,կամ սարսափի ազդեցության տակ մահմեդականացվել են մի քանի տասնյակ հազար հայեր:Դե արի դնենք ու ամբողջ քրիստոնեա հայերին ոչնչացնենք,կամ ասենք՝ հայ չեն:Կլինի՞:Ճիշտ կլինի՞:Չէ՞ որ մեր հայերիս,մեր պապական մաքուր հավատքը արևապաշտությունն է: 

Պիտի որոնենք,փնտրենք, գտնենք մեր դժբախտությունների իրական պատճառները, ճանաչենք մեր իրական վերքերը, ախտորոշենք մեր ժողովրդի հոգին, որից հետո միայն կարող է խոսք լինել բուժումի մասին”: (Նժդեհ)

 

 

 

 

“Ես փաստերին եմ հավատում, իսկ փաստերը վկայում են, որ 1915թ. Մեծ եղեռնի նախօրեին Արեւմտյան Հայաստանի ամենահետին գյուղում գոնե մի մատուռ կար, իսկ որոշ գյուղեր մի քանի եկեղեցիներ ունեին, եւ ունեինք ծով հոգեւորականություն, բայց հնարավոր եղավ, չէ՞, մեզ եղեռնի ենթարկել: Լուսանկարներում տեսնում ենք` քահանան քայլում է առջեւից, հանգիստ, իր ամբողջ հոտը հետեւից գցած, ընդամենը մեկ-երկու թուրք զինվորի ուղեկցությամբ` ուղիղ դեպի Դեր Զոր: Մենք տեսնում ենք, որ եկեղեցու կարիք չունենք: Եթե եկեղեցին այդքան օգտակար լիներ ազգին, ազգը Տեր-Զոր գնացած չէր լինի` հոգեւորականների գլխավորությամբ: Հոգեւորականները ժողովրդին մարտի կկոչեին, այլ ոչ թե դրախտի սին գաղափարներով ուղեղները արդուկեին եւ հանուն ոչնչի նահատակեին ազգին”: Սամվել Կարապետյան

Ո՛վ հայրեր, ո՛վ պապեր, այս գավաթը խմում եմ, բայց առանց նվիրելու ձեր ոսկորներին: Եթե դուք այս վանքերի տեղը, որոնցով լիքն է մեր երկիրը, բերդեր շինեիք, եթե դուք սուրբ խաչերի և անոթների փոխարեն, որ սպառեցին ձեր հարստությունը, զենքեր գնեիք, եթե դուք այն անուշահոտությանց տեղ, որ խնկվում են մեր տաճարներում, վառոդ ծխեիք, այժմ մեր երկիրը բախտավոր կլիներ: Մեր երկիրը չէին քանդի, մեր որդիքը չէին կոտորվի և մեր կանանց չէին հափշտակի…

Վանքերից ծագեց մեր երկրի կործանումը, նրանք խլեցին մեր սիրտը և քաջությունը, նրանք ձգեցին մեզ ստրկության մեջ, սկսած այն օրից, երբ Տրդատը թողեց իր սուրը և թագը, վերցրեց խաչը և մտավ Մանյա այրը` ճգնելու…

Ո՛վ Հայոց հին աստվածներ, ո՛վ Անահիտ, ո՛վ Վահագն, ո՛վ Հայկ, նվիրում եմ այս բաժակը Ձեր սուրբ հիշատակին, դուք փրկեցեք մեզ…

Րաֆֆի

Ծպտյալ հայ: Հայերը պետք է էթնիկ ծագման շուրջ միավորվեն, ոչ թե կրոնի

Թուրքիայում աստիճանաբար մեծանում է իրենց ինքնության մասին բացահայտ խոսող ծպտյալ հայերի թիվը, որոնք, չնայած իրենց հայկական ինքնությանը, ապրում են սունի -մահմեդականի և քուրդ -ալևիի կյանքով: Այդպիսի մի հայ է դիարբեքիրցի Գաֆֆուր Թյուրքայը, որը 15 տարեկանում է իմացել, որ իր իսկական ազգանունն Օհանյան է: «Մահմեդականի կյանքով եմ ապրում, բայց իմ անցյալն ու մշակույթը չեմ մերժում: Ցանկանում եմ մայրենի լեզուս սովորել», -ասում է նա:

Նա պատմում է, որ քրիստոնյա հայերը մահմեդական հայերին թերագնահատում են: «Կարծես մենք ենք ընտրել այս վիճակը: Հայերը պետք է էթնիկ ծագման շուրջ միավորվեն, ոչ թե կրոնի»,- համոզմունք է հայտնում նա: Նշենք, որ, ըստ Թուրքիայի պատմագիտական ընկերության նախկին նախագահ Յուսուֆ Հալաչօղլուի, ծպտյալ հայեր կան ոչ միայն Դիարբեքիրում, այլ ամբողջ Թուրքիայում և նրանք արդեն սկսել են խոսել իրենց ինքնության մասին:

Տես նաեւ Համշենահայերը` Որպես Հայ Էթնոսի Հավասարազոր Մաս

 ******************************************************

Լուրեր

Չենք Լռելու: Հերթական Խայտառակ ընտրություններ…Արտագաղթի Նոր Ալիք

Տեղի ունեցած հերթական խայտառակ ընտրությունները սարսափելի ապացույցն են Հայաստանի իշխանությունների` ամեն գնով վերարտադրվելու մղման և հայ ժողովրդի մի ստվար զանգվածի գիտակից ստրկամտության, երբ ծնողները հրեշավոր կերպով խորտակում են սեփական երեխաների ապագան` հանուն իրենցից իսկ գողացված և ընտրություններին վերադարձվող ողորմելի 10-20 հազար դրամ ընտրակաշառքի: Ահռելի ցավով պետք է նշենք, որ հերթական անգամ «առնված» ընտրություններից հետո այս ապաշնորհ խավին չպատկանող տասնյակ հազարավոր մեր հայրենակիցների արտագաղթի մի նոր ալիք է բարձրանալու:

Սարդարապատ» Շարժումը առաջարկում է արհամարհել այս ընտրությունները

«Առանց մարտի 1-ի սպանդի բացահայտման մայիսի 6-ի ընտրությունների ելքը կանխորշված է, Կանխորոշված ելքով ընտրությունները չեն կարող լինել այս համակարգից ազատվելու ճանապարհ»: Սրանք են մայիսի 3-ին ԿԸՀ-ի մոտ հացադուլ հայտարարած Մարտի 1- դեպքերն ուսումնասիրող խորհրդարանկան ժամանկավոր հանձանաժողովի անդամ Արտավազդ Վարդանյանի կարգախոսներն են: Այս խոսքերով է բնութագրում ընտրությունները նաև «Սարդարապատ» նախաձեռնող խմբի անդամ Ժիրայր Սեֆիլյանը: Հայաստանում դասական իմաստով կուսակցություն գոյություն չունի, քանի որ բոլոր ուժերի ղեկավարները վերահսկելի են իշխող կուսակցության ղեկավարի կողմից:

Իշխող վարչախումբը պետք է հեռանա քաղաքական ասպարեզից, որ Փրկվի  Հայաստանը

7or.am

Գլխավոր խնդիրն այստեղ ԱԺ անցնող կուսակցությունների քանակը չէ, այլ ԿԸՀ–ում ֆիքսվող տոկոսները։ Եթե Ընտրությունների վերահսկման միասնական շտաբում ներգրավված ուժերն արդյունավետ աշխատեն, ապա մայիսի 6–ին սկիզբ կդրվի սահուն և անցնցում իշխանափոխության։ Այդ դեպքում՝ կախված ուժերի հարաբերակցությունից՝ կձևավորվի նոր կառավարություն, և, բնականաբար, 2013–ին խոսք չի կարող գնալ Սերժ Սարգսյանի՝ երկրորդ ժամկետով նախագահ դառնալու մասին։

«Նախաձեռնողականության» սնանկությունը

Սարգսյանը, փաստորեն, պատրաստ էր հանձնել տարածքները, բայց թուրքերն ու ադրբեջանցիները չվերցրեցին։ Այդ հիմա է, որ նախընտրական փուլում ՀՀԿ–ի վերնախավում «հայրենասիրության» տենդով են վարակվել ու քարոզչական տեսահոլովակներում Հայաստանի քարտեզը պատկերում են ԼՂՀ–ի ամբողջական տարածքի հետ միասին։ Դե այդպես էլ պետք է լիներ. վերջին հանգրվանը միշտ էլ «հայրենասիրությունն» է լինում։

Վերջ տալ «քաղաքական մանկուրտությանը»

Հայ–թուրքական «ֆուտբոլային» դիվանագիտության ջատագով Սերժ Սարգսյանի բռնած գիծը «քաղաքական մանկուրտության» վառ օրինակ է։ Հայաստանն աշխարհի առաջ կանգնեց պետական «ինստիտուցիոնալ հիշողությունից» զուրկ, կործանարար ինքնավստահությամբ և քաղաքականապես ոտաբոբիկ տեսքով։ Դա է պատճառը, որ «նախաձեռնողական» արտաքին քաղաքականությունը ֆիասկո արձանագրեց։ Այս իշխանությունը ֆիասկո է արձանագրել նաև ներքին կյանքում։ Հետևաբար իշխանափոխությունը ոչ միայն անհրաժեշտ է Հայաստանում կուտակված խնդիրները լուծելու, այլ նաև ազգային անվտանգության տեսանկյունից։«Քաղաքական մանկուրտությամբ» տառապող իշխանությունն իսկական պատուհաս է մեր ժողովրդի գլխին և վերարտադրվելով կարող է նորանոր ավերածությունների պատճառ դառնալ։

Պարտվողականության լոկոմոտիվները

Հայկական երկու հանրապետությունների բարձրագույն ղեկավարության պարտվողական  տրամադրությունները լրացնելու է գալիս Արցախի թերբնակեցված շրջանների վերաբնակեցման խիստ ձևական գործընթացը, ավելի շուտ` վերաբնակեցման ծրագրի թաղումը: Ավտորիտարիզմի շունչն Արցախում զգացվում է  անզեն աչքով: Ընդդիմության բացակայություն, անկախ մամուլի չգոյություն, սեփականության և ազատ ձեռնարկատիրության իրավունքի կոպիտ խախտումներ, վախեցած և զգուշավոր հասարակություն: Արցախում ավտորիտար ռեժիմի հաստատումն անձամբ Սերժ Սարգսյանի վաստակն է: Հենց նա է ՀՀ վարչապետ եղած ժամանակ պնդել Բակո Սահակյանի թեկնածության վրա: Արցախում նման իշխանությունների առկայության դեպքում է միայն, որ ՀՀ նախագահը կարող է ռիսկ անել հայտարարել, թե ազատագրված տարածքները չեն վերաբնակեցվում, որովհետև հանձնվելու են: 7or

Դաժան Իրականությունը…

Հիշեցնենք, որ երկու տարի անընդմեջ  Սերժ Սարգսյանը  ամեն առիթով հայտարարում էր թե ՀՀԿ ցուցակում եւ Խորհրդարանում չեն լինելու բիզնեսմեններ, օլիգարխներ եւ հայտնի “մականունավորներ”: Մինչդեռ, այսօր Սերժ Սարգսյանն անձամբ է  համայնքից համայնք անցնում ու խնդրում ձայն տալ օլիգարխներին, “մականունավորներին” ու հայտնի բիզնեսմեններին: ԻՐԱՆՔ ԻՐԱՆՑ ԱՍԱԾԻՆ ՉԵՆ ՀԱՎԱՏՈՒՄ…

 …փոխելու ձեվը

Ի Վերջո Հայտնվեց Իսկական Նժդեհական Առաջնորդը

“էս ստրուկների կարգավիճակից ուզում եմ դուրս գամ: Արարատի մարզ, լավ մարդիկ եք, աշխատող, արարող, ամենահարուստ մարզն է բայց ամենասոված, ստրկական կյանքով եք ապրում: Դուրս եկեք էս ստրկական վիճակից, միաձեք ինձ, միացեք ինձ…”

Այսօրվա կեղծ քաղաքական համակարգում, Ոչ մի կուսակցություն, ի վիճակի չէ Հայաստանը հանել փոսից, իրենց ներկայությամբ նրանք լեգիտիմացնում են Համակարգը

«Ժամանակն է հրաժարվելու փրկիչներ որոնելուց ու առաջնորդապաշտությունից»

Ընտրություններին մասնակցությունը համարում եմ իշխանությունը յուրացրած հանցավոր վարչախմբի կենսունակության սնուցման և նրա լեգիտիմության վերարտադրության մեղսակցություն:
 Վարչախումբը լիակատար վերահսկողություն է հաստատել առկա քաղաքական համակարգի վրա և միանձնյա կերպով թելադրում է խաղի բոլոր կանոնները: Նա ընտրությունների մեխանիզմը, ինչպես նաև տիրապետող քաղաքական համակարգի ներսում կուսակցությունների քաղաքական պայքարը վերածել է այդ համակարգի և իր կենսունակության սնուցման ու վերարտադրության հիմնական ու անհաղթահարելի գործիքի` բացառելով որևէ այլ քաղաքական ուժի կողմից ընտրությունների միջոցով իշխանության հասնելու հնարավորությունը: Նման պայմաններում ի՞նչ ընտրությունների կամ ընտրություններին մասնակցելու մասին կարող է խոսք լինել:

Դեպի անցնցում հեղափոխություն

28 Դեկտեմբերի 2011

Հայկական հեղափոխություն այլեւս սկսված է, այսօր լրագրողների հետ հանդիպման ընթացքում հայտարարեց «Սարդարապատ» շարժման անդամ Ժիրայր Սեֆիլյանը: Նրա խոսքերով, հեղափոխությունը սկսվել է մտքերում եւ հոգիներում: Սեֆիլյանի խոսքով, Հայաստանն իրավունք չունի երկարատեւ ցնցումների, այդ պատճառով մինչեւ ժողովրդին հրապարակ տանելը պետք է նախապատրաստական աշխատանք տարվի, հստակ ծրագիր մշակվի: Նա նշել է, որ եթե ամեն գիտակից քաղաքացի իր վրա վերցնի գործի մի մասը, ապա Հայաստանում անցնցում, անարյուն հեղափոխությունը կիրականանա: Այդուհանդերձ, Ժիրայր Սեֆիլյանն ասել է, որ իրենք «առանց ցնցումներիի» գերին չեն դառնալու, եւ եթե իշխանությունը սադրանքների գնա, համարժեք պատասխան է տրվելու:

Ազգային ինքնասպանությունը՝ ընթացքի մեջ

…Դընի Դոնիկյանը ֆրանսահայ գրող է, ով հայտնի է թե ՀՀ իշխանությունների և թե՛ սփյուռքի նկատմամբ քննադատական հայացքներով: Ահա թե ինչ է նա գրել սփյուռքահայերի այս կոնֆորմիստական տեսակի մասին.

Երբ Սերժ Սարգսյանն ինքն իրեն երկրի ղեկավար հռչակեց խարդախության պայամաններում, ինչի մասին մենք գիտեինք; երբ նա իր ընդդիմախոսներին բանտ նետեց; երբ նա շարունակում է անազատության մեջ պահել հանուն Ղարաբաղի կռված սփյուռքահայերի; և երբ նա անգամ հրաժարվում է նրանց ՀՀ քաղաքացիություն շնորհել, այս նույն սփյուռքի ներկայացուցիչները երբեք այդքան կատաղի ու սպառնալի չեն եղել, ինչքան այսօր, երբ «իրենց» ցեղասպանությունն է վտանգի տակ: Կարծես մեռյալներն ավելի ողջ են նրանց համար, քան այսօրվա ողջերը: Ամբողջ տարին Սարգսյանի վարչակարգի աբսուրդության ու խլության մասին աղաղակող ժողովրդավարական ըննդիմությանը չսատարելով, բախտի քմահաճույքին թողնելով կամովին լքված հողերը, տնտեսական արտագաղթի սպիտակ ցեղասպանությունը խստիվ չդատապարտելով՝ սփյուռքը պետք է ակնկալեր, որ օրերից մի օր ստանալու է դրա համար ըստ արժանվույն: Ավելին

Տես Անգլերեն տարբերակը National Suicide in Progress

«Գործող, կեղեքող համակարգի պարագլխին մենք չենք թողնելու, որ նա եւս 5 տարի կեղեքի մեր ժողովրդին»

«Ես չեմ հավատում ՀԱԿ-ի նախապայմաններին: Ես կարծում եմ, որ նրանք տարբեր ձեւերով փորձելու են ժողովրդին ապատեղեկացնելով՝ հասցնել հերթական ընտրություններին:»: Նա նաեւ նշեց, որ եթե ինքը սխալվի, ՀԱԿ-ը պահանջի Սերժ Սարգսյանի հրաժարականը, ժողովուրդը փողոց դուրս գա, ապա. «Ես, անպայման, կլինեմ ժողովրդի մեջ, եթե ժողովուրդն ապստամբի»: «Այս ռեժիմի օրոք որեւէ ընտրություն հնարավոր չէ անցկացնել: Առաջին հերթին պետք է ձերբազատվել այս ռեժիմից եւ հետո կազմակերպել արդար ընտրություններ»:

Այս համակարգը մի կույտ զիբիլ է, որտեղ գույնզգույն զիբիլներ էլ կան, և մեկը մյուսին արհեստականորեն հակադրվում է։ Այդ բոլորին պետք է հավաքել մի կույտով ու հեռացնել… Հմայակ Հովհաննիսյան

… Մեր քաղաքական դաշտն ամբողջությամբ՝ իր բոլոր մասնակիցներով, բոլոր կուսակցապետերով, պարագլուխներով, սնանկ է ու արհամարհանքի արժանի։ Տեսե՛ք՝ այդ «Ժառանգությունը», այդ Դաշնակցությունը… մեկը նրանց մեջ չի հասկանում… լրատվական միջոցներ ունեն, «Երկիր Մեդիայով» հնարավորություն ունեն գնահատականներ տալ, բայց որևէ մեկը հարց չի բարձրացնում…–Դուք հայտարարել էիք, որ տեղեկություններ ունեք այն մասին, որ երբ վերջերս Սերժ Սարգսյանն այցելել է «Գոլոս Արմենիի», այնտեղ ասել է, թե 7 շրջանները հանձնելու են նախկին ԼՂԻՄ տարածքում հանրաքվե անցկացնելու հնարավորության դիմաց։ Ձեր նշած հանդիպմանը մասնակցել է Ռուբեն Մարգարյանը, ով մինչև վերջերս եղել է Դաշնակցության ԳՄ անդամ, այսօր էլ Դաշնակցության նվիրյալ գործիչներից մեկն է։ Դաշնակցությունն իրեն հայտարարում է ընդդիմադիր։ Ռուբեն Մարգարյանն այնտեղ ներկա է եղել, ամբողջությամբ դա ունկնդրել է, չեմ կարծում, որ չտեսնված խոսուն, ամեն ինչ իր տեղը դնող այդ ելույթի բովանդակությանը նա չի ծանոթացրել Դաշնակցության ղեկավարներին, Հրանտ Մարգարյանին, Վահան Հովհաննիսյանին։ Նրանք դրա մասին շատ լավ գիտեն, բայց լռում են։ Հենց Ռուբեն Մարգարյանին էլ հարցրե՛ք։

Ի՞նչ են գրում թերթերը

Հանդուրժողականություն , աղանդավոր , զոմբի . Եկեղեցի , Դավանաբանական ,
պատմություն , խավար , Իրան , վկաներ , բարբարոսություն , Իսրայել , Զատիկը, , Դավաճան , 350.000 , անվերահհսկելի , այլմոլորակային , ախմախը, Հուդան , Երբե՛ք… , կործանարար , հեթանոսներ , անպատժելի , Քաղաքական աղանդավորները , օլիգարխիկ , իշխանական , իսլամը , Կրոնապետություն , Դեպարտամենտ ,

Հայտարարություն-կոչ

Վերականգնենք Հայրենիքը Տաճար առ Տաճար

****

Արորդիները “հայ” եկեղեցուն Մեղադրում են Ցեղասպանության Մեջ
Պահանջում ենք կիրարել ՀՀ Սահմանադրության թիւ 23 հոդվածը
Ժամն է շրջվելու՝ դեպի Հայ Աստվածները
Թագավորը Մերկ Է

Բաժիններ

Բիբլիան`Մերկացված “հայ ազգային” Եկեղեցի Հայ Ազգային Հավատ
Հանուն Արեվալից Ապագայի Այցելուների անկյուն Գրքերի Բաժին Տեսաերիզ Պահանջատիրություն Մամուլ