Համակարգային փոփոխություններ իրականացնելու համար միակ ճանապարհը իշխանափոխությունն է

by

«1991թ. ստեղծված Հայաստանի երրորդ հանրապետությունը խարսխված է այնպիսի սոցիալ–տնտեսական և պետաիրավական սկզբունքների վրա, որոնք անխուսափելիորեն բերեցին առկա քաղաքական, տնտեսական, մշակութային, գաղափարախոսական, արժեքային ճգնաժամի, որն արդեն սպառնում է մեր ազգային պետականությանը»,–այսօրվա ասուլիսի ժամանակ հայտնել է «Սարդարապատ» շարժման նախաձեռնող խմբի անդամ Տիգրան Խզմալյանը։

Նրա համոզմամբ՝ երկրի առջև ծառացած մարտահրավերներին դիմակայելու և համակարգային փոփոխություններ իրականացնելու համար չկա ուրիշ ձև, բացի իշխանափոխությունից։

Այն դիտարկմանը, թե արդարադատության նախարարը վերջերս հայտարարել էր՝ երկրում արտահերթ ընտրությունների անցկացման և սոցիալ–տնտեսական վիճակի պատճառով սրացումների համար իրավական ոչ մի հիմք չկա, նշանակում է՝ այդ դեպքում իշխանափոխությունը հակասահմանադրական ճանապարհով է լինելու, Տ. Խզմալյանն ասել է. «Երբ 1988թ. սկսվեց ազգային–ազատագրական պայքարը, մենք չէինք հարցնում թույլտվություն արդարադատության կամ մեկ այլ նախարարից։ Երբ արաբական աշխարհում մեկը մյուսի հետևից փլվում են բռնատիրական համակարգերը, այնտեղ ո՛չ կուսակցություններն էին, ո՛չ քաղաքական առաջնորդներն էին ղեկավարում, ուղղակի ժողովուրդը թելադրում է իր կամքը, և դա այստեղ անելու ենք մենք»։

Ըստ բանախոսի՝ այն կատարվելու է քաղաքացիական անհնազանդության ճանապարհով՝ նշելով, որ ընտրությունների միջոցով հնարավոր չէ հասնել այդ նպատակին, քանի որ դրանք ուղղակի ծուղակ են։

7or.am

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google photo

You are commenting using your Google account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s


%d bloggers like this: