Հունիսի 30-ին Լևոն Տեր-Պետրոսյանը կզբաղեցնի իր պատվավոր տեղը հայկական երաժշտական գործիքների շարքում

by

Նախագահների Կազանյան հանդիպումն ավարտվեց` ըստ էության ոչինչ չփոխելով բանակցային գործընթացում: Հերթական անգամ միջնորդները գոհունակություն հայտնեցին ու առաջընթաց արձանագրեցին, հերթական անգամ ՀՀ նախագահը շնորհակալություն հայտնեց միջնորդներին, հերթական անգամ Ալիև պուճուրը նեղացավ ու գնաց: Վերջին օրերին ներքաղաքական դաշտում ամենասպասվող իրադարձությունը այդպես էլ չարդարացրեց սպասողների հույսերը, արդյունքում օգտվեց Արցախի ժողովուրդը, ստատուս քվոն շարունակեց շարունակվել: Ներքաղաքական կուլիսների հույսերը չարդարացրեց նաև ՀՅԴ ժողովը: Մեծ հաշվով դաշնակցությունը ոչ մի նոր բան չասեց և ոչ էլ սկանդալային հայտարարություն արեց, ինչին սպասեսում էին շատերը: Այս Առումով Կազանից նախագահ Սարգսյանը վերադարձավ ավելի վստահ քան մեկնել էր: Նախ Կազանում ոչ մի փասթաթուղթ չստորագրվեց և այս պարագայում ստատուս քվոյի պահպանումը, իրականում հայկական դիվանագիտության հաղթանակն էր արտաքին ճակատում, իսկ ներքաղաքական դաշտում լարվածությունը մեղմված է. ՀՅԴ-ն չի գնա արմատական լուծումների ճանապարհով:

Այս ֆոնին ՀՀ ներքաղաքական ամենքննարկվող թեման է դարձել ՀԱԿ նախաձեռնած համագումարը Հունիսի 30-ին: Հենց այս հանրահավաքի ժամանակ էլ ՀԱԿ առաջնորդը կպատասխանի Սերժ Սարգսյանի հայտարարությանը կապված ՀԱԿ-ՀՀԿ երկխոսության հետ, այսինքն Հունիսի 30-ին Լևոն Տեր-Պետրոսյանը կպատասխանի  համաձայն է  Սերժ Ազատիչի առաջարկած գնին, թե ինքն իրեն ավելի թանկ է գնահատում: Քաղաքական շրջանակների մտահոգությունները, ենթադրությունները ու հույսերը գլոբալ առումով չեն կարող իրականանալ: Բանն այն է, որ Լևոն Տեր-Պետրոսյանը չի կարող հունիսի 30-ին գնալ կտրուկ գործողությունների, որովհետև նախ և առաջ նա նման քայլի գնալու ոչ ցանկություն, ոչ էլ մտադրություն չունի և երկրորդ` նա վաղուց արդեն զրկված է այն կրիտիկական զանգվածից, որը ժամանակին վստահում ու հավատում էր նրան: ՀԱԿ-ից սկսված ինտելեկտուալ զանգվածի արտագաղթը դեպի Ազատ դեմոկրատներ, նվազեցրել է ՀԱԿ-ի վարկանիշը, թե երկրի ներսում, թե` արտաքին աշխարհում: Գլոբալ առումով ՀԱԿ-ը դադարել է լինել ընդիմադիր հատվածի գլխավոր ուժը, առավել ևս, որ հենց իրենք են դա ընդունում հայտարարելով որ արմատական ընդիմությունից անցում են կատարում դեպի Կարապետիչի հատված: Միաժամանակ ՀԱԿ-ի ամենավստահելի ստնտուներից մեկը` Քեռի Սեմը սկսել է խաղադրույքներ կատարել այլ ուժի վրա, դրա մասին բացահայտ հայտարարելով: Այս մասին էր վկայում նաև ԱՄՆ նախկին դեսպանի հանդիպումը Ազատ դեմոկրատների հետ:

Միանշանակ չէ նաև իրավիճակը ՀԱԿ-ի ներսում: Նախ Լևոն Տեր-Պետրոսյանը դադարել է լինել ՀԱԿ-ի Խորհրդանիշը: ՀԱԿ-ում արդեն հաճախացել են խոսակցությունները , որ Լևոն Տեր-Պետրոսյանին փոխարինող է պետք, որ <<Ծերուկն արդեն անտանելի է դառնում>>: Լևոն Տեր-Պետրոսյանի որոշումները սկսել են անհասկանալի դառնալ ինչպես ՀԱԿ ակտիվիստների, այնպես էլ ղեկավար շրջանակների համար:

Այսպիսով իր դիրքերը կորցրած ՀԱԿ-ի հեղինակազրկված առաջնորդը, ով կորցրել է իր թիմի ինտելեկտուալ կոհորտան, հենված լինելով գագիկջհանգիրյանական հատվածի վրա, չունի այլ ճանապարհ քան համաձայնվել իրեն առաջարկված գնին և գնալ հերթական ընտրությունների` ստանալու իրեն բաժին պատգամավորական մանդատները ու զբաղեցնելու իր պատվավոր տեղը հայկական երաժշտական գործիքների շարքում: Այնպես որ ՀԱԿ հանրահավաքից շատ բան չարժի սպասել: Ելույթներ… կոչեր…. Մոնղոլ թաթարներ…կիսաբաց լուսամուտ…և հանրահավաքն ավարտվեց… հաջորդ հանրահավաքը օգոստոսին… այսքան բան:  Ու այսպես `մինչև հերթական ընտրություններ, կամ մինչև ուժի նոր բևեռի ի հայտ գալը:

Վահագն Հարությունյան

Advertisements

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out / Փոխել )

Twitter picture

You are commenting using your Twitter account. Log Out / Փոխել )

Facebook photo

You are commenting using your Facebook account. Log Out / Փոխել )

Google+ photo

You are commenting using your Google+ account. Log Out / Փոխել )

Connecting to %s


%d bloggers like this: