Մանդատից զրկել Ռուբեն Հայրապետյանին և Սամվել Ալեքսանյանին. պահանջ

by
«2012 թ. հունսի 17-ին ՀՀ ԱԺ պատգամավոր, իշխող Հանրապետական կուսակցության ներկայացուցիչ Ռուբեն Հայրապետյանի ընտանիքի սեփականությունը հանդիսացող «Հարսնաքար» ռեստորանային համալիրի աշխատակիցները, որոնցից մեկը Ռուբեն Հայրապետյանի թիկնազորի անդամ է, դաժան ծեծի են ենթարկել մի խումբ քաղաքացիների: Նրանցից երեքը` Վահե Ավետյան, Արտակ Բայադյան, Գարիկ Սողոմոնյան, գտնվում են հիվանդանոցում: Վահե Ավետյանը, բժիշկների գնահատմամբ` ծայրահեղ ծանր վիճակում է, ենթարկվել է գլխուղեղի երկու վիրահատության, սակայն մինչ օրս գիտակցության չի եկել:

Ծեծի ենթարկված քաղաքացիներից երկուսի հաղորդած տվյալների համաձայն` նրանց ծեծի է ենթարկել մոտ 15 հոգի: Հիվանդանոց տեղափոխելուց հետո պարզվել է, որ դաժան ծեծի ենթարկվածները զինվորական բժիշկներ, սպաներ են և միայն բժշկական օգնության տրամադրման փաստի հիման վրա է հայտնի դարձել բռնության փաստը:

2012 թ. հունիսի 21-ին Ազգային ժողովի մոտ «Հարսնաքարի» դեպքի վերաբերյալ իր բողոքն արտահայտող ՀՀ քաղաքացի Վադգես Գասպարիի նկատմամբ ակնհայտ ապօրինի գործողություն է իրականացրել ՀՀ ԱԺ մեկ այլ պատգամավոր, նույն քաղաքական իշխանության մեկ այլ ներկայացուցիչ Սամվել Ալեքսանյանը ու իր թիկնապահներից մեկը, ինչը այլ կերպ, քան ցինիզմ ու անպատժելիություն անհնար է որակել, երբ առաջին բռնության դեպքի քննության ընթացքում ԱԺ պատգամավորը բռնության քայլ է իրականացնում բռնության փաստի դեմ բողոքող ՀՀ քաղաքացու նկատմամբ:

Հաշվի առնելով այն հանգամանքը, որ մինչ այժմ նմանատիպ բռնության դեպքերը իրավապահ մարմինների կողմից չեն արժանացել պատշաճ քննության և բոլոր մեղավորները, ներառյալ` հանցագործության դրդողները ու օժանդակողները չեն բացահայտվել և չեն ենթարկվել պատասխանատվության, մենք՝ «Պահանջում ենք պատժել «Հարսնաքարում» տեղի ունեցածի բոլոր մեղավորներին» հասարարական նախաձեռնության խմբի անդամներս, հայտարարում ենք.

1, ՀՀ քաղաքացիների հաճախացած դաժան ծեծերը հետևանք է`

ա/ իշխանություն ունեցող կամ դրա հովանավորությունը վայելող անձանց կողմից իրականացված նմանատիպ հանցագործությունների կոծկման,

բ/ քաղաքական իշխանության և քաղաքական առանձին ուժերի կողմից բռնության դեպքերը ուղղակի հովանավորելու, բռնության դեպքերը չդատապարտելու վարքագծի:

2. Տեղի ունեցածը ակնհայտ մարտահրավեր է ամբողջ հասարակությանը, իրավական համակարգին, քաղաքացուն:

3. Մենք, դատապարտելով բռնություն կատարած անձանց գործողությունները, գտնում ենք, որ նրանց մոտ առկա է եղել վստահությունն իրենց անպատժելիության մեջ: Ուստի սույն միջադեպի պատասխանատվությունն ընկնում է նաև ողջ քաղաքական իշխանության և մասնավորապես այդ իշխանության ներկայացուցիչ Ռուբեն Հայրապետյանի, նաև` Սամվել Ալեքսանյանին վրա, որոնց հովանու ներքո անպատժելի գործել ու գործում են բռնություն գործադրած անձինք:

4. ՀՀ Ազգային ժողովի բոլոր պատգամավորները, բոլոր հասարակական և քաղաքական ուժերը պարտավոր են վերաբերմունք արտահայտել դեպքի վերաբերյալ` դատապարտելով իրավազանցությունն ու բռնության մշակույթը։

5. «Հարսնաքարի» դաժան միջադեպը, քաղաքացի Վարդգես Գասպարիի հետ տեղի ունեցածը բավարար հիմք են`իշխող կուսակցության պատգամավորներ Ռուբեն Հայրապետյանին ու Սամվել Ալեքսանյանին պատգամավորական անձեռնմխելիությունից ու մանդատից զրկելու համար:

Հաշվի առնելով վերոնշյալը` պատկան մարմիններից պահանջում ենք`

ա. քրեական գործի քննությունն անցկացնել ՀՀ Սահմանադրությանը և օրենսդրությանը համապատասխան,

բ, դադարեցնել հանցագործության իրական պատկերի կործկման, պարտակման, խեղաթյուրման ակնհայտ փորձերը,

գ. հանրությանը պարբերաբար զեկուցել դեպքի քննության ընթացքի մասին,

դ. իրականացնել անհրաժեշտ միջոցառումները` պարզելու համար Ռուբեն Հայրապետյանի անձի գործոնի ազդեցությունը դեպքը տեղի ունենալու, դեպքի ընթացքի ու ելքի վրա,

ե. իրականացնել անհրաժեշտ միջոցառումները` վերոնշյալ ոչ իրավաչափ գործողությունների համար Սամվել Ալեքսանյանին պատասխանատվության ենթարկելու նպատակով,

զ. ապահովել տուժածների և նրանց հարազատների անվտանգությունը և բացառել հնարավոր ճնշումները նրանց նկատմամբ,

է. «Հարսնաքար» համալիրը ճանաչել որպես քաղաքացու կյանքին կամ առողջությանը պատճառված վնասի համար պատասխանատու իրավաբանական անձ ու պարտադրել վնասի փոխհատուցում տրամադրել ՀՀ օրենսդրությանը համապատասխան,

ը. պատասխանատվության կանչել հանցագործության մասին իմացած, տեղում ներկա եղած ու անգործություն ցուցաբերած, դաժան ծեծը կանխել կամ դադարեցնել չփորձած անձանց,

թ. պարզել և հրապարակել ոստիկանությանը ապատեղեկացրած անձի տվյալները, որը հայտնել էր, թե իբր բժիշկներն են հարձակվել «Հարսնաքար» վրա, ինչի հետևանքով գործի քննությունը սկզբնական շրջանում գտնվում էր ՊՆ ենթակայության տակ, ինչպես նաև օրենքի շրջանակներում պատասխանատվության կանչել այդ անձին,

ժ. պարզել «Հարսնաքարում» տեսաձայնագրող սարքերի տեղակայությունը, բռնության գործադրման ակտի և դրան նախորդած ու հաջորդած շրջանի դրվագների տեսանյութերի առկայությունը, տեսանյութերի բացակայության պարագայում դրանք ոչնչացրած անձանց ինքնությունը, տեսախցիկների ոչ սարքին լինելու պարագայում դրանց անսարքության պատճառները և ժամկետները, ըստ այդմ պատասխանատվության կանչել իրեղեն ապացույցները վերացնողներին:

«Պահանջում ենք պատժել «Հարսնաքարում» տեղի ունեցած միջադեպի բոլոր մեղավորներին» նախաձեռնող խումբ»

One Response to “Մանդատից զրկել Ռուբեն Հայրապետյանին և Սամվել Ալեքսանյանին. պահանջ”

  1. Tigran Sargsyan Says:

    Նման պարագայում լրիվ անհասկանալի է, թե ինչու՞ են հադուրժում այդ մարդկային կերպարանքով արարածների վարքագիծը: Եթե կառավարությունը չի ցանկանում պատժել օլիգրախին, միակ հենարանը ժողովուրդն է այդ հարցի լուծման համար: Նման արարքը անպատիժ չի կարելի թողնել, որովհետև կպատժվի ամբողջ ազգը հետագայում:Եթե օրենքը, կառավարությունը չեն պաշտպանում քաղաքացու ինքնությունը, ապա միակ ճանապարհը ատամի դիմաց ատամ, դա արդար է նման դեպքում: Օլիգարխ կոչվածը միյայն դրամի հաշվին է իրեն լավ տղա զգում, բայց եթե նրանից վերցնեք ամբողջ ունեցվածքը, կտեսնեք թե ինչ խեղճ ու անօգնական է նա, ողորմելի մի տզրուկ: Ինչքա՞ն այլևս հանդուրժել նրանց գարշելի վարքագիծը, նրանք հրեայի տականք սերունդներ են անձը ուրացող, ամեն կոպեկի համար: Նրանք ուրիշի քրտինքով ապրող պարազիտներ են ողորմելի, անինքնասեր: Համոզված եմ, որ եթե կատարվեն համապատասխան արյան անալիզներ, կպարզվի, որ նրանք իրոք հրական ծագում ունեն: Մի խոսքով, փրկել է պետք մեր Հայաստան աշխարհը նման տականքներից, նրանց կամ վռնդել երկրից կամ էլ առգրավվել ու պետականացնել ողջ ունեցվածքը`անկախ նրանից դա նեմեց ռուբիկ, լֆիկ սամվելիկ կամ ով ուզում է լինի: Օրենքը բոլորի համար պետք է նույնակերպ գործի, մարդիկ պետք է հարգեն մեկը մյուսի անձը: Եթե դա երկար շարունակվի, երևի արդեն կարիք կլինի հատուկ պատժիչ ջոկատներ ստեղծել նրանց կոտրելու համար, դա շատ հնարավոր է:Արդարություն է պետք դրսևորել երկրում:

Թողնել պատասխան

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Փոխել )

Google+ photo

You are commenting using your Google+ account. Log Out /  Փոխել )

Twitter picture

You are commenting using your Twitter account. Log Out /  Փոխել )

Facebook photo

You are commenting using your Facebook account. Log Out /  Փոխել )

Connecting to %s


%d bloggers like this: